Beıjiń men Bishkek arasynda tikeleı áýe reısi iske qosyldy
ASTANA. KAZINFORM – Air China áýe kompanııasy Beıjiń men Bishkek arasynda tikeleı turaqty áýe qatynasyn ashty. Bul týraly Sınhýa agenttigi habarlady.
Juma kúni jergilikti ýaqyt boıynsha shamamen saǵat 20:40-ta Beıjiń halyqaralyq Shoýdý áýejaıynan ushyp shyqqan CA893 reısi Bishkektegi «Manas» halyqaralyq áýejaıyna sátti qondy. Osylaısha Qytaı men Qyrǵyzstan astanalary arasyndaǵy jańa tikeleı áýe baǵyty resmı túrde iske qosyldy.
– Jańa baǵyt boıynsha turaqty reıster aptasyna úsh ret – dúısenbi, juma jáne jeksenbi kúnderi eki baǵytta da oryndalady, – delingen habarlamada.
CA893 reısi Beıjińnen Bishkekke 5 saǵat 40 mınýtta jetedi. Al keri baǵyttaǵy CA894 reısiniń ushý uzaqtyǵy 4 saǵat 50 mınýtty quraıdy.
Aıta keteıik, Qazaqstan men Qytaı arasyndaǵy áýe reısteri aptasyna 152-ge deıin kóbeıedi.
