Beıjiń eki jyl ishinde JI-dyń álemdik astanasyna aınalýǵa nıetti

ASTANA. KAZINFORM — Beıjiń bıligi aldaǵy eki jylda jasandy ıntellekt sektoryn damytýdyń aýqymdy josparyn jarııalady, onyń maqsaty — qalany JI-dyń jetekshi álemdik ortalyǵyna aınaldyrý, dep habarlaıdy Sınhýa.

Baǵdarlamalyq qujatqa sáıkes, Beıjiń óziniń JI negizgi salasynyń kólemin 1 trln ıýanǵa (shamamen 140 mlrd dollar) deıin arttyrmaq. Bul 2025 jyly 450 mlrd ıýan kólemindegi boljamdy kórsetkishten eki ese kóp ósimdi shamalap otyr. 

Joba ındýstrııanyń negizgi segmentterin qamtıtyn toǵyz strategııalyq bastamany iske asyrýǵa negizdelgen. Basty nazar irgeli tehnologııalyq jetistikterge qol jetkizýge, derekter jıyntyǵynyń sapasyn jaqsartýǵa jáne JI sheshimderin naqty ekonomıkaǵa tereń ıntegratsııalaýǵa baǵyttalǵan.

Tehnıkalyq damýmen qatar, baǵdarlama joǵary bilikti mamandardy tartý, uzaq merzimdi kapıtaldy jumyldyrý jáne ashyq bastapqy kody bar ekojúıelerdi belsendi túrde qoldaý boıynsha birqatar sharalardy qamtıdy.

Beıjiń damý jáne reformalar isteri jónindegi mýnıtsıpaldyq komıtetiniń basshysy ıAn Sıýlın túrlendirýdiń tehnologııalyq negizi qýattylyǵy 100 myńnan astam chıpi bar esepteý klasterin qurý, salada 10-nan astam jańa kompanııanyń jáne 20-dan astam birmúıizdi fırmanyń paıda bolýy bolatynyn atap ótti.

— Bul sharalar Qytaı astanasyn álemdegi alǵashqy JI ortalyǵy qalasyna aınaldyrýdy jedeldetýge arnalǵan, — dep atap ótti ol.

Qytaı aqparattyq-kommýnıkatsııalyq tehnologııalar akademııasynyń málimetinshe, 2025 jyldyń qyrkúıegindegi jaǵdaı boıynsha JI sektorynda 5300-den astam kásiporyn jumys istegen, bul álemdik jalpy kásiporynnyń 15%-y.

Buǵan deıin Qytaı Ulttyq sýperkompıýter jelisine negizdelgen avtonomdy jasandy ıntellekt júıesin iske qosqanyn jazdyq.