Beıjiń 2029 jylǵy Álemdik sáýlet astanasy bolyp jarııalandy
ASTANA. KAZINFORM — ıÝNESKO jáne Halyqaralyq sáýletshiler odaǵy (HSO) Beıjiń qalasyn 2029 jylǵy Álemdik sáýlet astanasy dep jarııalady. Sheshim baǵdarlamanyń Birlesken komıtetiniń usynysy negizinde qabyldandy, dep habarlaıdy Xinhua.
Uıymdastyrýshylar Qytaı astanasynyń baı sáýlet murasyn turaqty damýǵa baǵyttalǵan kózqaraspen úılestirýdegi erekshe qabiletin atap ótti.
— Beıjińniń tarıhı qalalyq ortasy, sátti jańartý jobalary jáne jarqyn sáýlet mádenıeti mura, ınnovatsııalar jáne turǵyndar ómiriniń bir-birin qalaı tolyqtyra alatynyn, qalalardy turaqty jáne ómir súrýge qolaıly etetinin kórsetedi, — delingen málimdemede.
Álemdik sáýlet astanasy ataǵy úsh jyl saıyn Halyqaralyq sáýletshiler odaǵynyń Dúnıejúzilik kongresin ótkizetin qalaǵa beriledi.
Baǵdarlama sáýlet óneriniń, qala qurylysynyń jáne mádenı muranyń turaqty qalalyq damýdy ilgeriletýdegi rólin atap ótýge arnalǵan.
Osyǵan deıin Qytaı elge kirý jáne shyǵý tártibine jańa erejeler engizetinin habarladyq.
