Beıjińnen jetken sálem: qazaqstandyq keden polkovnıgi S.Nurǵalıeva áıelderdi 8 naýryz merekesimen quttyqtady
BEIJІŃ. QazAqparat - Qazaqstan Respýblıkasynyń Qytaı Halyq Respýblıkasyndaǵy Elshiliginiń keńesshisi, Qazaqstan keden qyzmetiniń polkovnıgi Sáýle Nurǵalıeva áıelderdi 8 naýryz - Halyqaralyq áıelder kúnimen quttyqtady.
«Qymbatty, aıaýly áıelder! Sizderdi kóktemniń eń shýaqty merekesi - 8 naýryzben shyn júrekten quttyqtaımyn! Sizderdiń úlkenińizden bastap kishińizge deıin - árbirińizdiń óz mıssııalaryńyz bar, tabıǵat áıelderge súıkimdilik, qaısarlyq, náziktik, sheksiz adaldyq, tańqalarlyq shydamdylyq syndy qasıetterdi beker darytqan joq. Ómirge ákeletin, otbasy oshaǵyn saqtaıtyn, bolashaq batyrlar, romantıkter, jaqsy adamdardy tárbıeleıtin - Ózderińiz. Balalarymyzdyń qandaı bolyp ósetini, Qazaqstannyń qandaı bolatyny, erteńgi álemniń bolashaǵy kóbine Sizderge baılanysty. Meıirimdilik, izgilik, danalyq nuryn shashyp, kásibı jáne qoǵamdyq ómirde tabystarǵa jete berińizder!» - dep bildirdi ol jyly lebizin «QazAqparat» HAA tilshisine bergen suhbatynda.
Sáýle Muhametrahymqyzy Nurǵalıeva Qazaqstannyń keden organdarynda 1984 jyldan beri qyzmet etýde. Ol QR-dyń Dúnıejúzilik keden uıymynda múddesin qorǵap, Belgııa Koroldiginde QR Elshiliginiń keńesshisi bolyp qyzmet atqarǵan.
Qyzmettik mindetterin úlgili oryndaǵany úshin «Eren Eńbegi úshin» (2015 jyl) medalimen, vedomstvolyq tósbelgilermen, «Keden organdaryndaǵy minsiz jumysy úshin» medalimen marapattalǵan, QR Úkimetiniń Qurmet gramotasyna (1996 jyl), QR Syrtqy ister mınıstriniń atynan kóptegen qurmet gramotalaryna, t.b. marapattarǵa ıe bolǵan.
