Beıjińge qazaqstandyq astyqty jetkizý merzimi tórt esege qysqardy
«QTJ» UK» AQ-nyń 53 jabyq vagonynan turatyn salmaǵy 4,5 myń tonnalyq jyljymaly quram belgili beketke deıin jolaýshylar tasymaly sekildi suryptaý stansalaryna soqpaı, arnaıy bekitilgen kestemen júredi.
«Poıyz jolda bir jarym táýlik júredi. 36 saǵattan soń Dostyq stansasyna toqtaıdy. Poıyz basqa júk poıyzdaryna qaraǵanda tórt ese jyldamdyqpen táýligine 800 shaqyrymdy alady»,- deıdi Atbasar stansasynyń bastyǵy Serik Qaınıdenov.
S. Qaınıdenovtiń aıtýynsha, «QHR keden qyzmeti karantındik talaby boıynsha astyq qaptalýy tıis. Jetkizý merzimi shamamen tórt esege qysqarady. Ol arqyly vagon jáne júk aınalymy artyp, júk tasymalynyń sapasy kóteriledi. Júktiń saqtalýyna kepildik beriledi».
Júk jóneltýshilerdiń atap ótkenindeı, atalmysh qyzmet túriniń basymdyǵy joǵary.
«Berkat-Eksport» JShS osy qyzmet túrin paıdalanyp, Beıjińge 20 vagon astyq jiberdi. Bul kompanııanyń quryltaıshysy Ahmet Ogaev atalmysh baǵdardyń eń tıimdi tusy poıyz baǵdarynyń jedel uıymdastyrylýy ekendigin atap ótti.
«Buryn Qytaıǵa poıyzdar bizdiń júkterimizdi bir aptada jetkizetin. Qazir endi buǵan eki aq kún ketedi. Biz endi aptasyna eki ret astyq jóneltemiz. Onyń syrtynda poıyzdyń qaıda bara jatqanyn onlaın rejimde baqylaı alamyz. Bul biz sekildi júk jiberýshiler ǵana emes, temirjolshylardyń ózderine de óte yńǵaıly jáne tabysty joba bolyp tabylady», - deıdi A. Ogaev.
«QTJ-Júk tasymaly» AQ júıeli operator retinde negizgi qyzmeti aýyl sharýashylyǵy ónimin kidirissiz tasymaldaý bolyp tabylady. Osyǵan baılanysty QHR temirjolshylarymen birlesip uıymdastyrǵan tikeleı baǵdar osy.
Bıylǵy jyl basynan beri Ulttyq operator 7 mıllıon tonna astyqty tutynýshylarǵa jetkizdi. Onyń ishinde 4,6 mıllıon tonnasy eksportqa shyǵaryldy. Qytaıǵa 320 myń tonna bıdaı jiberildi.
Atap óterligi, qazirgi tańda QTJ-da astyq tasymaldaýdyń jańa tehnologııasy engizilýde. Qazan aıynda Quryq-Alıat-Ahalkalakı- Kars- Mersın baǵdarynda jańa astyq tasymaldaıtyn konteınerlik poıyzdyń qanatqaqty jobasy iske qosyldy.
Qarasha aıynan bastap bekitilgen keste boıynsha 74 shattl astyq poıyzy jiberildi. Onyń ishinde Qostanaı -Galaba (IIR) - 18, Qostanaı-Orta Azııa -13, Qostanaı-Aqtaý porty - 25 baǵdar uıymdastyryldy. Sonymen qatar Qostanaı - RF Jańa port, Qostanaı - Jańareseı baǵdarlaryna «shattl» poıyzdary uıymdastyryldy.
Bekitilgen kesteler boıynsha júk tasymaldaýdy uıymdastyrý jáne tehnologııalyq úderisteri jiberiletin ýaqyty men jetý merzimine baılanǵan.
