Beıjińdi taǵy da qumdy daýyl basyp qaldy
BEIJІŃ. QazAqparat – Beısenbi kúni Beıjińdi taǵy da aýanyń lastanýyna ákelgen qumdy daýyl basyp qaldy. Bul – bıyl bolǵan besinshi qumdy daýyl, dep habarlaıdy «QazAqparat» HAA menshikti tilshisi el astanasyndaǵy meteorologııalyq qyzmetke silteme jasap.
Meteorologtardyń málimetteri boıynsha, mońǵol tsıklony men qatty jeldiń áserinen qumdy daýyl beısenbige deıin Beıjińde jalǵasady.
Meteoqyzmet habarlaǵandaı, qumdy daýyl Qytaı astanasynda tústen keıin PM10 qatty bólshekteriniń kontsentratsııasyn «qatty lastaný» deńgeıine deıin arttyrady. Osyǵan baılanysty meteoqyzmet mamandary Beıjiń turǵyndaryna kóshede bolý ýaqytyn qysqartýǵa keńes beredi.
Sársenbide Beıjiń meteorologııalyq qyzmeti jaqyndap kele jatqan qumdy daýyl týraly eskertýdiń «kók» deńgeıin jarııalady.
Eske sala keteıik, sońǵy 10 jyldaǵy alǵashqy jáne kúshti qumdy daýyl Beıjińde 15 naýryzda bolǵan edi.
Qytaıda qumdy daýyldarǵa arnalǵan tústermen kodtalǵan tórt deńgeıli aýa raıy týraly eskertý júıesi bar, eń joǵary deńgeı qyzyl, sodan keıin qyzǵylt sary, sary jáne kók.
Avtory: Rýslan Súleımenov
