Beıjińdi qoıý tútin tumshalap tur
ASTANA. QazAqparat - Qytaı astanasynda qoıý tútin saldarynan qaýiptiń sarǵylt belgisi jarııalandy. Bul qyzyl deńgeıden keıingi ekinshi orynda turǵan qaýiptilik deńgeıi.
Búginde Beıjińdegi aýanyń lastaný ındeksi 400 birlikten asady, sondyqtan qalanyń birqatar aýdanynda kórý múmkindigi 500 metrden aspaıdy.
Beıjiń meteorologııalyq ortalyǵynyń sarapshylary qytaılyq astanadaǵy aýanyń lastanýyna Henan (Ortalyq Qytaı) provıntsııasy sebep bolýy múmkin dep boljaýda. Onda jergilikti bılik sharýalardyń egin jınaǵan soń sabandy órteýdiń jyl saıyn shamamen 7,8 myń oqıǵasyn tirkeıdi eken.
QHR qorshaǵan ortany qorǵaý mınıstrliginiń ókili Beıjińdegi aýanyń tútinmen lastanýyna kólikter men elektr stansalary da sebep bolatynyn eske saldy. Meteorologtardyń boljamynsha, Qytaı astanasynda tútin senbige deıin seıilmeıdi.
