Beıjińdi qalyń tútin tumshalap tur
BEIJІŃ. QazAqparat - Beıjińdi túnde qalyń tútin basty, ol adam densaýlyǵyna ǵana emes, sonymen birge kólik qatynasyna da keri áser etýde.
Aspan asty eliniń astanasynda aýa sapasynyń ındeksi 315 (densaýlyqqa qalypty 100-ge deıingi kórsetkish).
Mektepter men balabaqshalarda dene shynyqtyrý sabaǵy toqtatyldy. Turǵyndarǵa serýendeýdi, kóshede sportpen aınalysýdy shekteýge, úıler men jumys oryndarynda terezeni jabýǵa, ashyq aýaǵa shyqqan kezde qorǵanys betperdesin kııý usynyldy.
Eske salsaq, ýmen lastanǵan aýa (RM 2.5 jáne RM10 qatty bólikteri asa qaýipti keledi) júrek, tynys joldary, shyryshtyń qabynýy, tynystyń tarylýy, ımmýnıtettiń tómendeýi sııaqty aýrýlarǵa soqtyrady.
Qytaıdyń 9 qalasyna júrgizilgen zertteý nátıjeleri motorly kólikter Beıjiń, Gýanchjoý, Hanchjoý, Shenchjen qalalaryn lastaıtyn negizgi kózge aınalǵan.
2014 jyldyń sońyndaǵy statıstıkalyq derekterge sáıkes Qytaıda 264 mln. motorly kólik quraldary paıdalanylady, olardyń 154 mıllıony - avtomobıl. Bul kórsetkish boıynsha QHR AQSh-tan keıin ekinshi orynda. Bul eldegi joldarda 5,6 mln.-ǵa jýyq avtomobıl júredi - ortasha eseppen 100 otbasyǵa 63 kólikten keledi.
Shanhaı, Tıantszın men Nınboda shań, ónerkásiptik óndiris qaldyqtary, Shıtszıachjýan men Nankınde kómir negizgi lastaý kózi bolyp tabylady.
