Beıjińdi basqan qara túnektiń beınekórinisi paıda boldy
ASTANA. QazAqparat - Qytaıda jumys isteıtin brıtanııalyq Ches Poýp YouTube jelisinde Beıjińdi torlaǵan qara túnektiń beınekórinisin jarııa etti, dep jazady Rıa Novostı.
Jedel túsirilgen beınekóriniste 20 mınýttyń ishinde qaratúnektiń Qytaı astanasynyń aspanyn qalaı basyp qalǵandyǵy aıqyn baıqalady. Seısenbi, 3 qańtar kúni Qytaı aýanyń lastanýyna baılanysty dabyldyń eń joǵarǵy «qyzyl» deńgeıin jarııalady, dep jazdy Sınhýa agenttigi.
Qaratúnektiń saldarynan áýe reısteri keshigýde, keıbir avtomagıstraldarda joldar jabyq, jeke kólikpen júrýge tyıym salynǵan. Qaratúnek Qytaı astanasyn jyl boıyna torlap turatyn kezderi bolady. Degenmen, jylý maýsymy bastalǵan qarasha aıynyń orta tusy men naýryz aıy aralyǵynda bul problema erekshe ózektilene túsedi.
2017 jyly Beıjiń qorshaǵan ortanyń lastanýymen kúreske 2,5 mıllıard dollar shyǵyndaýdy josparlap otyr.
