Beıjińdegi TMD elderiniń dıplomatııalyq mıssııalarynyń ókilderi Naýryzdy toılady
Beıjińde akkredıttelgen dıplomatııalyq korpýs pen halyqaralyq uıymdardyń basshylary is-sharanyń qurmetti qonaǵy boldy. Qatysýshy elderdiń dıplomatııalyq mıssııalary basshylarynyń quttyqtaý sózderinen keıin merekelerge oraı Maslenıtsa men Naýryzdy qarsy alý dástúrleri jaıly beınerolıkter kórsetildi.
Aıta keteıik, is-sharany uıymdastyrýshylar mádenı baǵdarlamaǵa kóp kóńil bóldi. «Rýsskıı sývenır» balalar ansambli «Varenka» kompozıtsııasyn oryndady, Gıýnaı Alıeva kórermenderdi ázerbaıjandyq «Nelbekı» ulttyq bıimen (keselermen bıleý) tańǵaldyrdy. Sondaı-aq qonaqtarǵa Bımurat Mural Nurǵısa Tilendıevtiń áıgili «Aqqý» kúıi shertip berdi, Faromýz Pırmýhamedovtyń oryndaýynda «Dýshanbe týraly án» shyrqaldy jáne kóne belarýs bıi «Gýkanne Vıasny» usynyldy.
Keshke arnalyp, baı dastarhan jaıyldy. «Gastronomııalyq mereke» alańynda ulttyq taǵamdar qoıyldy. Qazaqstandyq aspazdar naýryz kóje, baýyrsaq jáne jent usyndy. Qonaqtarǵa kóktem men jańarý merekesiniń basty taǵamy – Naýryz kóje erekshe unady. Dolma, lıýlıa-kebab jáne pahlavany – ázerbaıjan halqy, quımaq, bálish pen toqashty (kýlebıaka) orys aspazdary usyndy.
Saltanatty is-sharany Ázerbaıjan, Belarýs, Qazaqstan, Qyrǵyzstan, Reseı jáne Tájikstannyń QHR-daǵy elshilikteri birlesip uıymdastyrdy.
Avtor Rýslan Súleımenov
