Beıjińdegi saılaý ýchaskesine adamdardyń kelýi 73,4 paıyzdy qurady
BEIJІŃ. 4 sáýir. QazAqparat /Rýslan Súleımenov/ - Beıjińdegi QR dıplomatııalyq mıssııasyndaǵy saılaý ýchaskesindegi daýys berý nátıjeleri 4 sáýirde saǵat 01.00 kezinde shyǵaryldy.
Bul jerde sonymen qatar kóshpeli otyrys ótkizilgen Shanhaı men Gonkongtyń bıýlletenderi salynǵan jáshikter de ashyldy.
Ýchaskelik saılaý komıssııasynyń tóraǵasy, QHR-daǵy QR elshiliginiń konsýly Qazbek Sársembekovtyń aıtýynsha, №135-shi saılaý ýchaskesinde tirkelgen 2 672 saılaýshynyń 73,4 paıyzy daýys berdi. Elbasy N.Nazarbaev úshin daýystaryn 96,8 paıyz saılaýshy, Ǵ.Qasymov úshin - 2,14 paıyz, M.Eleýsizov úshin - 0,66 paıyz, J.Ahmetbekov úshin - 0,4 paıyz daýys berdi.
