Beıjińdegi saılaý ýchaskesinde daýys berý aıaqtaldy

BEIJІŃ. QazAqparat – Qytaı Halyq Respýblıkasynda Qazaqstan Elshiligi janyndaǵy №257 saılaý ýchaskesi jergilikti ýaqyt boıynsha saǵat 20:00-de (Astana ýaqytymen 18:00-de) jabyldy, dep habarlaıdy QazAqparat tilshisi.

«Beıjińdegi №257 ýchaske óz jumysyn aıaqtady. Munda kúni boıy saılaýshylardyń belsendi qatysýy baıqaldy», - dedi Qazaqstannyń Qytaıdaǵy dıplomatııalyq ókildigi janyndaǵy ýchaskelik saılaý komıssııasynyń tóraǵasy Nurlan Aqqoshqarov.

«Osy kúnderi Beıjińniń Chaoıan aýdanynda kovıdke baılanysty shekteýlerge qaramastan, saılaýshylardyń búgingi belsendiligi jaqsy boldy», - dedi ol.

Qazaqstan Respýblıkasynyń Qytaıdaǵy Shanhaı jáne Gonkong qalalaryndaǵy bas konsýldyqtarynyń janyndaǵy saılaý ýchaskelerinde daýys berý aıaqtaldy. Qazirgi ýaqytta daýys sanaý júrgizilýde.