Beıjińdegi Olımpıada oıyndaryn 150 myńǵa jýyq jankúıer tamashalaıdy

BEIJІŃ. QazAqparat – Beıjińdegi qysqy Olımpıada oıyndaryn 150 myńǵa jýyq kórermen barady. Bul týraly «Beıjiń-2022» uıymdastyrý komıteti málim etti, dep habarlaıdy QazAqparat.

Uıymdastyrý komıtetiniń málimdeýinshe, jankúıerlerge arnalǵan oryndardyń jartysy olarǵa tıesili. Kórermender qataryna Qytaıdyń qurlyqtyq bóliginde turatyn sheteldikter, dıplomatııalyq mıssııalar músheleri men marketıng boıynsha áriptester, jergilikti turǵyndar, bastaýysh jáne orta mektep oqýshylary kiredi.

Koronavırýstyń taralýynyń aldyn alý jáne halyqaralyq sport sharasynyń barlyq qatysýshylarynyń qaýipsizidigin qamtamasyz etý maqsatynda «Beıjiń-2022» uıymdastyrý komıteti budan buryn Olımpıadanyń sheteldik jankúıerlersiz ótetini týraly sheshim qabyldaǵan bolatyn.
Uıymdastyrý komıteti bıletterdi satylymnan alyp tastap, olardyń jergilikti jankúılerler arasynda bólinetinin habarlaǵan edi.
XXIV qysqy Olımpıada oıyndary Beıjińde 4-20 aqpan aralyǵynda ótedi.