Beıjińdegi qysqy Olımpıada oıyndaryna bıletter satý reti belgilenbedi

BEIJІŃ. QazAqparat – Beıjińdegi Olımpıadanyń uıymdastyrý komıteti 2022 jylǵy qysqy olımpıada oıyndaryna bıletter satý retin anyqtamady. Bul týraly beısenbi kúni QHR Memlekettik keńesi baspasóz keńsesiniń brıfıngi barysynda «Beıjiń-2022» uıymdastyrý komıtetiniń bas hatshysy Han Tszyjýn málim etti, dep habarlaıdy QazAqparat menshikti tilshisi.

Han Tszychjýn bıletteri satý máselesi qoǵamdy alańdatyp otyrǵanyn málim etti. Koronavırýstyń taralýyn boldyrmaý jáne halyqaralyq sporttyq is-sharaǵa qatysýshylardyń qaýipsizdigin qamtamasyz etý úshin Olımpıada sheteldik jankúıerlersiz ótedi degen sheshim qabyldandy.

«Biz «ishki kórermender» úshin bıletter satý saıasatyn ázirleý ústindemiz. Daıyn bolǵanda resmı kanaldar arqyly belgilengen tártippen jarııalaımyz», - dep atap ótti ol. «Beıjiń-2022» uıymdastyrý komıtetiniń basshysy Halyqaralyq olımpıada komıtetimen tyǵyz baılanysta ekenin jáne jergilikti jankúıerlerge bıletter satý saıasatyn epıdemıologııalyq jaǵdaıǵa sáıkes anyqtaıtynyn jetkizdi. Beıjińdegi qysqy Olımpıada 2022 jyldyń 4-20 aqpany aralyǵynda ótedi.

Avtory Rýslan Súleımenov