Beıjińdegi klınıkada aldanyp qalǵan qazaqstandyq múgedek balalarǵa másele qaıta kóterildi
ALMATY. QazAqparat - QHR astanasy Beıjińdegi klınıkada aldanyp qalǵan sal aýrýyna shaldyqqan (DTsP) balalary bar qazaqstandyq 13 otbasyna qatysty másele qaıta kóterildi. Múgedek balalarǵa «3 S júıkeni buǵattaý» emin qoldanýdyń ornyna «botoks» ýkoldaryn salyp jibergen klınıka ótemaqy tólemek.
«Sezimtal» qoǵamdyq qorynyń úılestirýshisi, advokat Suńqar Nurmaǵambetovtyń habarlaýynsha, balalarǵa em júrgizgen Qytaıdaǵy klınıka Qazaqstan azamattarmen aradaǵy daýdy sotqa jetkizbeı retteýge daıyn ekenin aıtqan.
«13 otbasynyń ókili men bizdiń qor qazan aıynda Beıjiń qalasyna ushyp baryp, aýrý balalarǵa qate em júrgizgen emhanadan ótemaqy alý jóninde kelisedi. Qajetti qujattar rettelý barysynda. Biz ótemaqy tezirek jasalady dep senip otyrmyz. Sonymen qatar, QR SІM tarapynan da Qytaıda júrgenimizde habarlasatyn jaǵdaı týyndap jatsa, qoldaý tabamyz degen úmittemiz», - dedi advokat.
Eske sala keteıik, tserebraldy sal aýrýyna shaldyqqan balalary bar qazaqstandyq 13 otbasy Beıjińdegi Lımın klınıkasynan«3 S júıkeni buǵattaý» júıesi boıynsha em qabyldaýǵa ótinish bildirgen. Alaıda, ata-analarynyń aıtýynsha, olar suranystary boıynsha em qabyldamaǵan. Olardyń ár qaısysy 197 myńnan shyǵyn kórgen. Osydan keıin
«Sezimtal» qoǵamdyq qory men múgedek balalardyń ata-analary QR SІM Erlan Ydyrysovqa ótinishpen shyǵyp, Beıjińdegi medıtsınalyq klınıkany jaýapqa tartý qajettigin suraǵan boldy.
