Beıjińdegi AÓSShK forýmynda halyqaralyq problemalar boıynsha Qazaqstannyń ustanymy talqylandy
BEIJІŃ. QazAqparat - Búgin Azııadaǵy ózara yqpaldastyq jáne senim sharalary jónindegi keńestiń (AÓSShK) Úkimettik emes forýmy Ekinshi konferentsııasynyń ashylýynda Qazaqstannyń QHR-daǵy Tótenshe jáne ókiletti elshisi Shahrat Nuryshev qatysýshylardy birqatar halyqaralyq problemalar boıynsha Qazaqstannyń ustanymynan habardar etti, dep habarlaıdy «QazAqparat» HAA-niń Qytaıdaǵy menshikti tilshisi.
«Qazaqstan 2002 jyly Arab bastamasy men BUU Qaýipsizdik keńesiniń qararyna sáıkes Palestına-Izraıl daýynyń tez sheshilýine tilek bildiredi. Onyń júzege asyrylýy Taıaý Shyǵystaǵy birlesken beıbit, ómirdiń irgetasyn qalyptastyrýǵa múmkindik beredi. Qazaqstan halyqaralyq qoǵamdastyqtardyń qoldanyp jatqan sharalaryn, sondaı-aq dıalog pen bitimgerlik arqyly Sırııanyń saıası bolashaǵyn anyqtaýǵa baǵyttalǵan Sırııa bıligi men oppozıtsııanyń áreketin qoldaıdy. Astanada Sırııa máselesi boıynsha kelissózder ótkizýge ázir ekendigimizdi jetkizgim keledi», - dedi ol.
Dıplomat Qazaqstannyń Aýǵanstandaǵy saıası retteý jónindegi Ystanbul protsesi aıasynda halyqaralyq qoǵamdastyqtyń baǵytyn belsendi qoldaıtynyn atap ótti.
«Biz gýmanıtarlyq kómek jelisine tikeleı qatysyp, aýǵan stýdentterine bilim granttaryn bólip, Aýǵanstannyń tirshilikti qamtamasyz etý nysandary men ınfraqurylymyn qalpyna keltirýge qarjy jumsap jatyrmyz», - dedi Nuryshev.
Onyń aıtýynsha, Qazaqstan Iran men halyqaralyq deldal «altylyq» arasyndaǵy Irannyń ıadrolyq baǵdarlamasy boıynsha birlesken qımyldardyń jalpy josparyn qabyldaý boıynsha kelisimderdi qoldaıdy.
«Irannyń beıbit atom energetıkasyn damytýdaǵy quqyǵyn moıyndaı otyryp, túrli kómekti, sonyń ishinde az baıytylǵan ýran bankiniń qyzmeti aıasynda ıadrolyq janarmaı usyný men saqtaý máselesi boıynsha kómek kórsetýge daıyn. MAGATE qamqorlyǵyndaǵy atalmysh banktiń ashylý saltanaty 2017 jyldyń 29 tamyz kúni Astana men Óskemen qalalarynda ótedi. Sol kúni Halyqaralyq ıadrolyq synaqtan ótkizýge qarsy áreketter kúni aıasynda «ıAdrolyq qarýsyz álem jáne jahandyq qaýipsizdik úshin Nazarbaev syılyǵyn» tabystaý rásimi ótedi», - dedi elshi.
