Beıjińde Zıka bezgegimen aýrýdyń alǵashqy oqıǵasy tirkeldi
ASTANA. QazAqparat - Qytaı astanasynda Zıka vırýsynyń bezgegimen aýrýdyń alǵashqy oqıǵasy tirkeldi, dep habarlady TASS.
Bul týraly Beıjiń densaýlyq saqtaý jáne josparly bala týý isteri komıteti habarlady.
Onyń málimetteri boıynsha, 29 jastaǵy qytaı áıeli, Shandýn provıntsııasynyń turǵyny Beıjińge 13 mamyrda Venesýeladan osy aýrý beliglerimen kelgen. Zerthanalyq synamalar onyń qanynda Zıka vırýsy bar ekenin qýattady. Qazirgi kezde ol emdelýden ótýde.
Al ońtústikqytaılyq Gýandýn provıntsııasynda jeksenbi kúni osy syrqatqa ushyraǵan 12-shi jaǵdaı anyqtaldy. 37 jastaǵy áıel de Venesýeladan kelgen, onyń denesine bórtpe shyǵyp ketken.
Syrqatqa ushyraǵan qytaı azamattarynyń bári de Latyn Amerıkasynda bolǵan kezinde osy indetti juqtyrǵan. Sınhýa agenttiginiń habarlaýynsha, jergilikti sarapshylar vırýstyń Qytaıda taralý múmkindigi «az» dep sanaıdy.
