Beıjińde jyldyń basty saıası oqıǵasy - BHÓJ sessııasy aıaqtaldy
BEIJІŃ. QazAqparat - Búgin kúnniń birinshi jartysynda Beıjińde Halyq jınalysy úıinde QHR-daǵy jyldyń basty saıası oqıǵasy - Búkilqytaılyq halyq ókilderi jınalysy (BHÓJ) 12-shi shaqyrtýynyń 4-shi sessııasynyń jabylýyna arnalǵan resmı rásim ótti.
Sezd delegattary 2015 jylǵa arnalǵan ortalyq jáne jergilikti bıýdjetterdiń oryndalýy týraly baıandamany, 2016 jylǵa arnalǵan ortalyq jáne jergilikti bıýdjetter jobasyn, 2015 jylǵy úkimet jumysy, eldiń áleýmettik-ekonomıkalyq damý josparynyń oryndalǵany týraly, 2016 jylǵa arnalǵan áleýmettik-ekonomıkalyq damý josparynyń jobasyn maquldaıtyn qarardy qabyldady.
Budan basqa, BHÓJ Turaqty komıtetiniń jumysy týraly baıandama bekitildi, Qytaı Joǵarǵy halyq soty jáne Joǵarǵy halyq prokýratýrasynyń jumysy týraly baıandamany, 2016-2020 jj. arnalǵan eldiń áleýmettik-ekonomıkalyq damý jospary týraly baıandama maquldandy.
Depýtattar daýys berý arqyly qaıyrymdylyq týraly zańdy qabyldady.
Sessııa qorytyndysy boıynsha QHR Memlekettik keńesi Premeriniń baspasóz máslıhaty ótkizildi.
