Beıjińde jasóspirimderge koronavırýsqa qarsy 1 mln dozadan astam vaktsına salyndy
2021 jylǵy 29 tamyzdaǵy jaǵdaı boıynsha Beıjińde barlyǵy 39 mıllıonnan astam vaktsına salyndy. Sonyń ishinde shamamen 1 mln doza 12-17 jas aralyǵyndaǵy balalarǵa egildi. QHR astanasynda 20,18 mln adam ekpe alǵan, onyń 18,98 mıllıony vaktsınatsııanyń tolyq kýrsynan ótken. 18 jastan asqan turǵyndar arasynda ekpe alǵandar úlesi 95,56% kórsetkishine jetip otyr.
Buǵan deıin QHR Densaýlyq saqtaý jónindegi memlekettik komıteti men Qytaıdyń aýrýlardy baqylaý jáne aldyn alý ortalyǵynyń ókilderi habarlaǵandaı, elde 12 men 17 jas aralyǵyndaǵy jasóspirimderge ekpe salý jalǵasady. Óıtkeni balalarǵa vaktsına salý - ujymdyq ımmýnıtet qalyptastyrýdyń ajyramas bóligi.
Resmı derekterge júginsek, Qytaıdyń qurlyqtyq bóliginde koronavırýsqa qarsy 2,04 mlrd dozadan astam vaktsına salyndy.
Rýslan Súleımenov
