Beıjińde XIII Paralımpıada oıyndary resmı túrde bastalady

BEIJІŃ. QazAqparat - 2022 jylǵy XIII qysqy Paralımpıada oıyndarynyń ashylý saltanaty Beıjińde 4 naýryzda ótedi. Saltanatty sporttyq shara «Qus uıasy» dep atalatyn ulttyq stadıonda bolady, dep habarlaıdy QazAqparat menshikti tilshisi.

Qazaqstan Paralımpıada quramasynan týdy para shańǵy jarysy boıynsha Álem Kýbogynyń qola júldegeri, halyqaralyq dárejedegi sport sheberi Erbol Hamıtov ustap shyǵady.

Qazaqstan Paralımpıada quramasynyń quramyna bes sportshy kirdi: Aleksandr Gerlıts, Erbol Hamıtov, Sergeı Ýsoltsev, ıÝrıı Berezın jáne Denıs Petrenko. Paralımpıadashylar eki shańǵy jarysy men parabıatlonda óner kórsetedi.

QHR Tóraǵasy Sı Tszınpın Beıjińdegi 2022 jylǵy qysqy Paralımpıada oıyndarynyń ashylý rásimine qatysady. Sportshylar sporttyń alty túrinen: shańǵy jarysynan, bıatlonnan, taý shańǵysy sportynan, sledj-hokkeıden, arbadaǵy kerlıngten jáne snoýbordtan 78 júldeni sarapqa salady.

Qazaqstandyq paralımpıadashylar aldymen parabıatlonǵa qatysady. Qazaqstan atynan Sergeı Ýsoltsev pen Aleksandr Gerlıts óner kórsetedi.

Jarys 5 naýryzda Hebeı provıntsııasynyń Chjantszıakoý qalasynda ótedi.