Beıjińde «Tájikter tarıh aınasynda» kitabynyń tanystyrylymy ótti
BEIJІŃ. Qyrkúıektiń 16-sy. QazAqparat /Rýslan Súleımenov/ - Búgin Beıjińde Tájikstan Respýblıkasynyń Elshiliginde Tájikstan Respýblıkasynyń Prezıdenti Emomalı Rahmonovtyń qytaı tiline aýdarylǵan «Tájikter tarıh aınasynda» kitabynyń tanystyrylymy ótti.
Alǵysóz sóılegen Tájikstan Elshisi Rashıd Álimov «Tájikter tarıh aınasynda» kitabynyń qytaı tilinde jaryq kórýi - tájik-qytaı qatynastarynyń zamanaýı tarıhyndaǵy mańyzdy oqıǵa, mádenıetter dıalogyna qosylǵan úlken úles. Kitapta 110 myńdaı ıeroglıf bar, onyń árqaısysy Qytaıdyń batysyndaǵy kórshisi - tájik halqynyń baı tarıhy men mádenıeti týraly baıandaıdy», dep atap kórsetti.
Dıplomat sondaı-aq, qyrkúıektiń 22-sinde Tájikstannyń Respýblıka kúnine oraı Shanhaıdaǵy Dúnıejúzilik kórmeniń aıasynda saltanatty shara ótip, osy kitaptyń bir danasy EKSPO-2010 kórmesindegi Tájikstan pavılonyna kelýshi 3 mıllıonynshy adamǵa tabys etilmek.
Elshilik «Tájikter tarıh aınasynda» kitabynyń tanystyrylymymen, 2011 jyly qyrkúıektiń 9-ynda atap ótiletin Tájikstan Respýblıkasynyń Táýelsizdiginiń 20 jyldyǵyna arnalǵan is-sharalardy bastap otyr.
