Beıjińde ShYU yntymaqtastyǵyn tereńdetý máseleleri talqylandy
BEIJІŃ. 8 aqpan. QazAqparat - Beısenbi kúni Beıjińde Shanhaı yntymaqtastyǵy uıymynyń jańa bas hatshysy Dmıtrıı Mezentsevtiń QHR SІM-niń basshysy ıAn Tszechımen kezdesýi barysynda ShYU aıasynda yntymaqtastyqty tereńdetý máseleleri talqylandy.
Qytaı SІM-niń baspasóz qyzmetinen habarlaǵandaı, taraptar saıasat, qaýipsizdik, ekonomıka jáne mádenıet syndy salalarda ShYU aıasyndaǵy yntymaqtastyqty damytý máselelerin talqylady. Kezdesý barysynda Uıymǵa múshe-memleketterdiń birlesip damýyna qolǵabys etý úshin aımaqtyq qaýipsizdik pen turaqtylyqty qoldaýdyń mańyzdylyǵy atap ótildi. Taraptar ShYU-ǵa múshe-memleketter aldaǵy ýaqytta da ózara tıimdi yntymaqtastyqqa qol jetkizý úshin ártúrli salalarda tyǵyz yntymaqtastyqta bolatynyna senim bildirdi.
Esterińizge sala keteıik, ShYU-nyń 2012 jyldyń maýsymynda ótken sammıtiniń nátıjesi boıynsha Dmıtrıı Mezentsev Uıymǵa múshe-memleket basshylarynyń sheshimimen Shanhaı yntymaqtastyǵy uıymynyń bas hatshysy bolyp taǵaıyndaldy. Buǵan deıin D.Mezentsev ShYU-nyń Іskerlik keńesin basqardy.
