Beıjińde ShYU Syrtqy ister mınıstrleri keńesiniń otyrysy bastaldy

BEIJІŃ. QazAqparat - Búgin Qytaıdyń «Dıaoıýıtaı» memlekettik rezıdentsııasynda Shanhaı yntymaqtastyq uıymynda (ShYU) Syrtqy ister mınıstrleri keńesiniń (SІMK) otyrysy ashyldy, dep habarlaıdy «QazAqparat» HAA-niń Qytaıdaǵy menshikti tilshisi.

Tsındaoda ótetin sammıtke daıyndyq kezeńderin qorytyndylaıtyn bul otyrysqa Qytaıdan -Van I, Qazaqstannan - Qaırat Ábdirahmanov, Qyrǵyzstannan - Erlan Abdyldaev, Ózbekstannan - Abdýlazız Kamılov, Tájikstannan - Sırodjıdın Asylov, Úndistannan - Sýshma Savaradj, Reseıden - Sergeı Lavrov, Pákistannan - Havadj Mýhammad Asıf jáne ShYU bas hatshysy Rashıd Álimov qatysty.

Mınıstrler memleket basshylaryna usynylatyn qujattar men sheshimderge sholý jasaıdy.

«Shanhaı segizdigi» dıplomatııalyq vedomstvolarynyń basshylary Sırııa men Aýǵanstandaǵy ahýal, Koreıa túbegindegi jaǵdaı jáne Irannyń ıadrolyq baǵdarlamasy boıynsha birlesken keshendi is-qımyl josparyn júzege asyrý sııaqty máseleler boıynsha ustanymdardy odan ári úılestirý máselesin talqylaıdy.

Sonymen qatar, mınıstrler ShYU-nyń halyqaralyq jáne aımaqtyq ıÝNESKO, ASEAN sııaqty halyqaralyq jáne aımaqtyq birlestiktermen baılanystaryn damytý máselelerin talqylaıdy.