Beıjińde shań-tozańnyń kesirinen avtomagıstraldar jabyldy
ASTANA. QazAqparat - Beıjiń ústinen turǵan shań-tozańnan kórý qıyndady. Sol sebepti onda birqatar avtomagıstraldardy jabýǵa májbúr bolyp otyr.
Sınhýa tilshisi habarlaǵandaı, qalanyń kólik qyzmetteri úshin 10 qazan 23:34-ten bastap Beıjińniń Harbın men Tıantszındi baılanystyratyn barlyq jol ýchaskeleri jabylǵan. 11 qazan 6:00-den bastap Beıjiń-Keıfen, Beıjiń-Chende, Beıjiń-Shanhaı jáne Beıjiń-Sıangan-Aomen magıstraldaryndaǵy qozǵalysqa shekteý qoıyldy.
Tumanǵa baılanysty astananyń 6-shy aınalma avtomobıl jolynyń jekelegen ýchaskeleri jabyldy. Sonymen birge, Beıjiń metrosynyń jer ústi ýchaskelerinde qaýipsizdikti qamtamasyz etý maqsatynda ýaqytsha poıyzdardyń qozǵalys jyldamdyǵy azaıtylǵan.
Sınoptıkterdiń boljamynsha, qalyń shań-tuman senbiniń túnine deıin seıilmeıdi, sondyqtan da jergilikti meteorologııalyq qyzmetter onyń «sary» qaýiptilik deńgeıinde ekenin jarııalady, dep habarlady Sınhýa agenttigi.
