Beıjińde saılaýshylardyń 80 paıyzdan astamyn stýdentter qurap otyr (FOTO)
BEIJІŃ. QazAqparat - Jergilikti ýaqytpen saǵat 17:00-degi jaǵdaı boıynsha (Astana ýaqytymen saǵat 15:00) QR-nyń QHR-daǵy Elshiliginiń janyndaǵy №207 saılaý ýchaskesinde saılaýshylardyń 78 paıyzdan astamy - 2034 adamnyń ishinde 1598 adam daýys berdi.
Bul týraly QazAqparatqa bergen suhbatynda ýchaskelik saılaý komıssııasynyń tóraǵasy Manarbek Qabazıev habarlady.
«Qytaıda júrgen qazaqstandyqtar úshin konstıtýtsııalyq quqyǵyn iske asyrý úshin barlyq jaǵdaılar jasalǵan. Bizdiń ýchaskemizdegi saılaýshylardyń 80 paıyzdan astamy - bul Beıjiń jáne buǵan jaqyn ornalasqan qalalarda bilim alyp júrgen stýdentter. Ózderińiz de kórip turǵandaı, ýchaske barlyq tehnıkalyq talaptarǵa sáıkes jabdyqtalǵan. Túske deıin 500-den astam adam, al 17:00-degi jaǵdaı boıynsha 1598 saılaýshy daýys berdi», - dedi ol.
Kóptegen saılaýshylar, birinshi kezekte stýdent boıjetkender bir-birin daýys berý jáshigi men Qazaqstannyń memlekettik rámizderi - Tý men Eltańbanyń qasynda sýretke túsirdi. №207 ýchaskede daýys bergen úsh qazaqstandyq azamat búgin kámelettik jasqa tolyp, estelik kádesyılaryn aldy.
