Beıjińde saılaý ýchaskesi ashyldy
JІŃ. 3 sáýir. QazAqparat /Rýslan Súleımenov/ - Búgin Beıjińde jergilikti ýaqyt boıynsha tańǵy saǵat 7.00-de Qazaqstannyń Qytaıdaǵy elshiliginde saltanatty jaǵdaıda №135-shi saılaý ýchaskesi ashyldy.
Qytaı elordasynda turyp jatqan qazaqstandyqtar osy ýchaskege kelip, búgin keshki saǵat 20.00-ge deıin Qazaqstan Respýblıkasy Prezıdentiniń kezekten tys saılaýyna qatysa alady.
Saılaý ýchaskesi ashylǵannan keıin birinshi bolyp Qazaqstan Elshisi Ikram Adyrbekov zaıybymen, Elshilik dıplomattary, Beıjińde tirkelgen ulttyq kompanııalardyń ókilderi daýys berdi.
Dıplomatııalyq mıssııa janyndaǵy ýchaskede daýys berýdiń alǵashqy qorytyndylary túngi saǵat 01.00-ge qaraı shyǵarylady. Kóshpeli daýys berý júrgizilip jatqan Shanhaı jáne Gonkongtan jetkiziletin bıýlleten salynǵan jáshikter de osy jerde ashylady. Saılaýshylardyń daýystary sanalyp bolǵan soń, QR Ortalyq saılaý komıssııasyna tıisti hattama joldanady.
Beıjiń saılaý ýchaskesiniń ýchaskelik saılaý komıssııasynyń tóraǵasy, Qazaqstan Elshiliginiń konsýly Qazbek Sársembaev, daýys berýdiń qorytyndy qujattary 4 sáýirde arnaıy poshtamen Astanaǵa jóneltiletinin atap kórsetti.
