Beıjińde satylatyn jer kólemi kúrt artty
ASTANA. QazAqparat - Beıjińde 2015 jyly satylǵan jer telimderi 196,5 mlrd ıýandy (30,2 mlrd AQSh dollary) qurap, 2,5 esege ósti. Bul týraly dúısenbi kúni jergilikti bılik málim etti, dep habarlaıdy Sınhýa.
Astanalyq Jer jáne tabıǵı resýrstar basqarmasynyń aqparattaryna qaraǵanda, ótken jyly elde 694 gektar jer satylǵan.
Satylymnyń ósýine beıjińdik jyljymaıtyn múlik naryǵyndaǵy jaǵdaıdyń jaqsarýy yqpal etken. 2010 - 2015 jyldar aralyǵynda 4969 gektar jerdiń satylýynan qala qazynasyna 723,2 mlrd ıýan quıyldy.
Sondaı-aq osy bes jyldyń ishinde Beıjiń bıligi bıýdjettik turǵyn úı qurylysyna 4166 gektar jer bólgen.
