Beıjińde órt saldarynan 12 adam ajal qushty, 4 adam jaraqattandy
BEIJІŃ. 20 qarasha. QazAqparat - Beıjińde Chaoıan aýdanyndaǵy qoımalardyń birinde bolǵan órtten 12 adam qurban boldy, 4 adam jaraqat aldy, dep habarlady jergilikti polıtsııadan.
Órt Chaoıan aýdanynda seısenbi, 19 qarasha kúni jergilikti ýaqyt boıynsha 20:30 kezinde oryn aldy. 500 sharshy metr jer otqa orandy. Tilsiz jaý seısenbiden sársenbige qaraǵan túni toqtatyldy. Saldarynan 12 adam qaza boldy, taǵy tórt adam jaraqattandy. Oqıǵa ornyna jetken qutqarýshylar 14 adamdy aman alyp qaldy.
Qoımanyń ıeleri órttiń shyǵý sebebin anyqtaý úshin ustaldy.
