Beıjińde nóser jańbyr quıyp tur

BEIJІŃ. Sınhýa-QazAqparat – Qytaı astanasynda jeksenbi kúni saǵat 18: 00-den bastap nóser jańbyr quıyp tur, dep habarlaıdy QazAqparat Sınhýa agenttigine silteme jasap.

Qalalyq sý tasqynyna qarsy shtabtyń habarlaýynsha, jeksenbi kúngi saǵat 18: 00-den beri Beıjińde ortasha jaýyn-shashyn mólsheri 65,9 mm bolǵan. Al qytaı astanasynyń qalalyq aýdandarynda ortasha eseppen 79,9 mm jetken.

Beıjińniń 203 meteorologııalyq ortalyǵynda 50 mm-den astam jaýyn-shashyn tirkeldi, 43 meteorologııalyq ortalyqta onyń mólsheri 70 mm-den asqan.

Sonymen qatar, Fanshan, Mentýgý, Chanpın, Haıdıan, Shıtszınshan, ıAntsın jáne Hýaırý aýdandarynda soqqan jeldiń jyldamdyǵy 24,4 m/s jetti.

Astanalyq sý tasqynyna qarsy shtab qalanyń negizgi kópiri men jol nysandarynyń qaýipsizdigin tekserý úshin 2 906 qyzmetker jiberilgenin habarlady.

Qazirgi ýaqytta nóser jańbyrǵa baılanysty Beıjińge 57 sorǵy stantsııasy tartyldy, olardyń kómegimen 140 myń tekshe metr sý soryldy.

Sınoptıkter dúısenbi kúni de jańbyr tolassyz jaýyp, ol tek seısenbige qaraǵan túni toqtaıdy dep boljap otyr.

Qala ákimshiligi jańbyr saldarynan bolatyn naızaǵaı, daýyl jáne geologııalyq qaýipter týraly eskertý jasady.