Beıjińde máıit kúlin teńizge shashý keńinen taralyp keledi
ASTANA. QazAqparat - 1994 jyldyń mamyrynan dúnıeden ozǵan 13700-den astam Beıjiń turǵyny máıitiniń kúli teńizge shashyldy. Bul týraly Sınhýa "Jenmın Jıbao" gazetine silteme jasap habarlady.
Úkimet zırattardaǵy oryndy únemdep, jerleýdiń ekologııalyq ádisin paıdalanýǵa yntalandyrýy da kúldi teńizge shashýdyń keń etek jaıýyna septesti.
2015 jyly beıjińdik jerleý qyzmetin kórsetetin ortalyq 2000-nan astam qaıtys bolǵan adam máıitiniń kúlin teńizge shashty. Bul 2012 jylǵy kórsetkishten eki ese kóp, delingen "Jenmın Jıbao" maqalasynda.
Ortalyq dırektory Van Dedýnnyń sózine qaraǵanda, bastapqyda qytaılyqtar úshin bul jat bolǵan. Degenmen kópshiligi qarjy sebepterine baılanysty osy ádisti tańdasa, keı beıjińdikter qorshaǵan ortany qorǵaý úshin osyndaı áreketke barady, dep qosty ol.
2009 jyldan bastap atalǵan qyzmet tegin kórsetiledi.
