Beıjińde «Mahabbat shekteýdi bilmeıdi» atty halyqaralyq qaıyrymdylyq jármeńke bolyp ótti
BEIJІŃ. Qyrkúıektiń 6-sy. QazAqparat /Rýslan Súleımenov/ - Senbi kúni Beıjińde Qytaı Halyq Respýblıkasynyń syrtqy ister mınıstrligi uıymdastyrǵan «Mahabbat shekteýdi bilmeıdi» atty halyqaralyq qaıyrymdylyq jármeńkesi bolyp ótti.
QHR syrtqy ister mınıstriniń jubaıy Le Aımeı hanym óziniń alǵy sózinde Qytaı bıliginiń múmkindigi shekteýli jandardyń jaǵdaıyn jaqsartýǵa úlken nazar bóletindigin aıtyp ótti. Osyǵan baılanysty qaıyrymdylyq sharanyń maqsaty Gansý jáne Hebeı provıntsııalaryndaǵy múgedekterge arnalǵan reabılıtatsııalyq ortalyqty salý bolyp tabylady.
Jármeńkege álemniń 60 eliniń taýarlary, ulttyq kádesyılary men qoldan jasalǵan buıymdardyń kóshirmeleri qoıyldy, jármeńkege Qazaqstan da at salysty. QHR Syrtqy ister mınıstri ıAn Tszechı osy is-sharaǵa qatysyp, Qazaqstannyń toptamasymen tanysty.
