Beıjińde Qytaı Kompartııasynyń jańa quramyn saılaıdy
BEIJІŃ. 14 qarasha. QazAqparat - Búgin Beıjińde Qytaı Kommýnıstik partııasynyń 18-shi sezi óz jumysyn Ortalyq komıtet (OK) jáne Tártipti baǵalaý boıynsha ortalyq komıssııanyń (TBOK) jańa quramdaryn saılaýmen aıaqtaıdy.
Seısenbi, 13 qarasha kúni Qytaı Kompartııasynyń 247 músheden turatyn 18-shi seziniń tóralqasy OK jáne TBOK jańa quramdaryna kandıdattardyń tizimin maquldady. Resmı saılaý búgin túske deıin ótedi.
OK-tiń saıası bıýrosynyń turaqty komıteti - partııanyń elıtalyq býynynyń quramy jáne onyń sany (jeti nemese toǵyz adam) ázirge belgisiz bolyp otyr. Qytaı Kompartııasynyń qazirgi bas hatshysy jáne QHR-nyń tóraǵasy Hý Tszıntaonyń ornyna onyń orynbasary Sı Tszınpın keledi dep kútilýde. Sondaı-aq OK-tiń saıası bıýrosynyń turaqty komıtetiniń quramyna Lı Ketsıan saılanady.
2013 jyldyń naýryzynda Búkilqytaılyq halyq ókilderi jınalysynyń sessııasynda Sı Tszınpın men Lı Ketsıan sáıkesinshe QHR tóraǵasy jáne QHR Memlekettik keńesiniń premeri qyzmetterine maquldanatyny kútilýde.
Saılaý ótken soń OK-tiń jańa quramy birinshi plenýmda OK-tiń bas hatshysyn, saıası bıýronyń jáne saıası bıýronyń turaqty komıtetiniń múshelerin saılaıdy. Beısenbi, 15 qarasha kúni jergilikti ýaqyt boıynsha saǵat 11:00-de QKP OK-niń jańa saıası bıýrosynyń turaqty komıtetiniń músheleri sezde akkredıttelgen jýrnalıstermen kezdesedi.
Esterińizge sala keteıik, QKP-nyń 18-shi sezi Beıjińde, 8 qarasha kúni ashyldy.
