Beıjińde Qytaı Kommýnıstik partııasynyń HH sezi ashyldy

BEIJІŃ. QazAqparat - Jeksenbi kúni Beıjińdegi Tıananmen alańyndaǵy Halyq jınalysy úıinde Qytaı Kommýnıstik partııasynyń (QKP) HH sezi ashyldy, dep habarlaıdy QazAqparat menshikti tilshisi.

Sezdiń ashylý saltanaty Beıjiń ýaqytymen tańǵy saǵat 10.00-de bastaldy.

QKP HH sezine qatysý úshin Qytaıdyń ártúrli aımaqtarynan Beıjińge 2,3 myńǵa jýyq delegat keldi.

QKP Ortalyq Komıtetiniń Bas hatshysy Sı Tszınpın Ortalyq Komıtet atynan baıandama jasady. Kún tártibine sáıkes, sezde QKP 19-shy seziniń esebine qosa, QKP Ortalyq tártipti tekserý komıssııasynyń jumysy týraly esep tyńdalyp, Kommýnıstik partııanyń jarǵysyna engizilgen ózgerister men tolyqtyrýlar tyńdalady. Partııa men memleketti basqarý jónindegi mańyzdy jáne jańa teorııalyq kózqarastar men strategııalyq ıdeıalar qarastyrylyp, bekitiledi.

Sezd delegattary QKP HH saılanǵan ortalyq komıteti men ortalyq tártipti tekserý komıssııasynyń jańa quramyn saılaıdy.

Qytaı Kommýnıstik partııasynyń HH seziniń resmı ókili Sýn Elı buǵan deıin málim etkendeı, forýmnan keıin birden Ortalyq Komıtettiń jańa quramynyń birinshi plenýmy ótedi jáne saıası bıýronyń quramy men onyń turaqty komıssııasy jańartylady.

Qytaı kommýnıstik partııasynyń HH sezi 22 qazanǵa deıin jalǵasady.