Beıjińde QSZI men QQǴA qatysýymen ekinshi Qazaqstan-Qytaı sarapshylar forýmy ótti
BEIJІŃ. QazAqparat - Beıjińde Erlan Qarın bastaǵan Qazaqstan strategııalyq zertteýler ınstıtýty jáne Lı ıÝntsıýan basqaratyn Reseı, Shyǵys Eýropa, Ortalyq Azııa, Qytaı qoǵamdyq ǵylymdar akademııasy delegatsııalarynyń qatysýymen ekinshi Qazaqstan-Qytaı sarapshylar forýmy ótti.
«Meniń oıymsha, qazaqstandyq sarapshylar qytaılyq áriptesteriniń ıdeıalary men teorııalaryna tereń úńilip, belsendi qyzyǵýshylyq tanytýy kerek. Uzaq ýaqyt boıy biz Qytaıdy, sheteldik ǵalymdar pozıtsııasy arqyly onyń saıasatyn zerttedik, sondyqtan bizge jıi ári belsendi kezdesip turý kerek», - dedi óz sózinde E.Qarın.
Ol forým qatysýshylaryna KSǴI ázirlegen «Ortalyq Azııa-2020: tórt strategııalyq tujyrym» baıandamasyn daıyndaý ádistemesin jáne onyń mazmunyn aıtyp túsindirdi. E.Qarınniń sózi qytaılyq sarapshylardyń qyzyǵýshylyǵyn oıatty, olar spıkerge kóptegen suraq qoıyp, aımaqtyq qaýipsizdikpen qamtamasyz etý máseleleri jaıly óz pikirlerin bildirdi.
QR Prezıdenti N.Nazarbaevtyń G20 sammıtine oraı, Qytaıǵa sapary qarsańynda ótýi de atap ótýge turarlyq. «Ortalyq Azııadaǵy jaǵdaıdyń damý tendentsııasyn QSǴI kóre alýy, aımaqtaǵy lańkestik máselelerin uǵyndyrý tásili bizdiń qyzmetkerlerdiń erekshe qyzyǵýshylyǵyn týdyrdy. Qytaı men Qazaqstan arasyndaǵy qarym-qatynas óte joǵary deńgeıde jáne bizdiń «basty ortalyqtar» arasyndaǵy yntymaqtastyq ta belsendi ári jemisti damýy kerek», - dedi qazaqstandyq jýrnalısterge suhbat bergen RShEOA QQǴA dırektory Lı ıÝntsıýan.
Aıta keteıik, birinshi Qazaqstan-Qytaı sarapshylar forýmy 2015 jyly 16 qyrkúıekte Astana qalasynda QSǴI qoldaýymen ótti. Qytaılyq taraptan Qytaı zamanaýı halyqaralyq qatynastar akademııasy negizgi seriktes boldy.
