Beıjińde QR Parlament Májilisiniń depýtattyǵyna daýys berý úshin saılaý ýcheskesi ashyldy
BEIJІŃ. 15 qańtar. QazAqparat /Rýslan Súleımenov/ - Búgin jergilikti ýaqyt boıynsha tańǵy saǵat 7-de QHR-daǵy QR Elshiliginde №135 saılaý ýchaskesi ashyldy.
Daýys berý tańǵy saǵat 7-den keshki 20.00-ge deıin jalǵasady. Qytaı astanasynda turatyn Qazaqstan azamattary QR Parlament Májilisiniń depýtattaryn saılaýǵa qatysa alady.
Saılaý ýchaskesi ashylǵannan keıin birinshi bolyp QHR-daǵy QR ýaqytsha senimdi ókili Qazbek Sársembaev, Elshilik dıplomattary, sonymen qatar Beıjińde ýaqytsha turyp jatqan Qazaqstan ulttyq kompanııalarynyń ókilderi daýys berdi. Tańnan bastap daýys berý úshin saılaý ýchaskesine qazaqstandyqtar kelip jatyr.
Daýys berý nátıjesiniń qorytyndysy saǵat túngi 12-de daıyn bolady. Saılaýshylardyń daýysyn sanaý saǵat 22. 00 -den bastalady.
Saılaý ýchaskesiniń tóraǵasy, QHR-daǵy QR-nyń Ýaqytsha senimdi ókili, Qazaqstan Elshiliginiń konsýly Qazbek Sársenbaev daýys berýdiń qorytyndy qujattary arnaıy poshtamen Beıjińnen Astanaǵa jóneltiletinin atap ótti.
QHR-daǵy QR Elshiliginiń baspasóz hatshysy Arsen Ábildınniń sózine qaraǵanda, osy jyly saılaýshylardyń belsendiligi 2011 jyldyń sáýir aıynda Qazaqstan Respýblıkasy Prezıdentiniń kezekten tys saılaýyna qaraǵanda tómen bolady. Esterińizge sala keteıik, ol kezde 1961 qazaqstandyq azamat daýys berýge qatysqan edi.
