Beıjińde QR Dıplomatııa qyzmeti kúnine oraı shahmattan týrnır ótti
BEIJІŃ. QazAqparat - Búgin QHR astanasy Beıjińde Qazaqstannyń Dıplomatııa qyzmeti kúnine oraı shahmattan uıymdastyrylǵan týrnır qorytyndylandy, dep habarlaıdy «QazAqparat» HAA-nyń Qytaıdaǵy menshikti tilshisi.
Ony Qazaqstan Respýblıkasynyń QHR-daǵy Elshiligi uıymdastyrdy. 2 shildede bastalǵan týrnırge qazaqstandyq dıplomattar, ulttyq kompanııalardyń ókilderi jáne olardyń otbasy músheleri - jalpy 12 adam qatysty.
Týrnırde dıplomattyń 21 jastaǵy uly Arystan Álibaev jeńimpaz atandy.
«Bala kezden ákemmen shahmat oınaımyz. Qazaqstandyq dıplomattyń otbasy múshesi retinde osymen ekinshi ret týrnırge qatysyp otyrmyn.
Alǵash ret 10 jasymda Ózbekstandaǵy týrnırge qatysyp edim. Bul joly myqty qarsylastar kóp boldy, ásirese byltyrǵy chempıondarǵa qarsy oıyndarda tabandy qarsylyqqa dýshar boldym», - deıdi jas chempıon «QazAqparat» HAA tilshisine bergen suhbatynda.
Júldegerlerge QR elshisi Shahrat Nuryshevtiń atynan qundy syılyqtar men alǵyshattar tabys etildi.
Eske sala keteıik, Qazaqstannyń Dıplomatııa qyzmeti kúnine oraı shahmattan dástúrli týrnır uıymdastyrýdy 2017 jyly Qazaqstan Respýblıkasynyń QHR-daǵy Elshiligi bastaǵan bolatyn.
