Beıjińde qoıý tútin qaýiptiliginiń «qyzyl» deńgeıi jarııalandy
ASTANA. QazAqparat - Beıjiń bıligi tútin qaýiptiliginiń «qyzyl» deńgeıin jarııalady. Yqtımal «qyzyl» deńgeıdi Qytaı astanasynda alǵash ret bir apta buryn jarııalady, dep habarlady Bı-bı-sı.
Beıjińdi senbiden seısenbige deıin ýytty qoıý tútin basady, dep boljaıdy beıjińdik meteorologııa qyzmeti.
Budan basqa, qoıý tútin QHR-diń iri aýdany - Qytaı ortalyǵyndaǵy Sıan qalasynan soltústik-shyǵystaǵy Harbınge deıin basýy múmkin, dep eskertedi bılik.
Qaýiptilik deńgeıiniń artýynan kólik paıdalaný shektelip, fabrıkalar, qurylystar jumystary toqtatylady.
Úkimet jıi qaýipti deńgeıge jetip otyrǵan aýanyń lastanýynyń aldyn alý sharalaryn qabyldaýǵa ýáde berdi.
Ótken dúısenbide Beıjińniń keı aýdandarynda lastaný deńgeıi tekshe metrine 265 mıkrogrammdy qurady, DDSU adam úshin sharshy metrine 25 mıkrogramm qaýipsiz dep sanaıdy.
Osy joly qaýiptilik deńgeıi tekshe metrine 500 mıkrogrammǵa jetedi dep kútilýde.
Tútin basý kómirmen jumys isteıtin kásiporyndardyń, jylytý júıeleriniń shyǵaryndylary men kóptegen qurylystyń shań-tozańy saldarynan oryn alyp otyrǵany aıtylýda. Osy sebep boıynsha qaýiptiliktiń «qyzyl» deńgeıi 2013 jyly Nankınde engizilgen bolatyn.
