Beıjińde koronavırýspen aýyratyn birde-bir adam qalǵan joq
Beıjińde koronavırýs epıdemııasy bastalǵannan beri alǵash ret COVID-19 juqtyrǵan birde-bir adam qalǵan joq.
Eske sala ketsek, koronavırýs tarala bastaǵan kezden beri Qytaı astanasynda 935 adam COVID-19 juqtyrǵan, sonyń ishinde 335 adam maýsym aıynda «Sınfadı» kóterme bazarynda bolǵan órshýden keıin aýyryp qalǵan.
Qazirgi kezde Beıjiń bıligi epıdemıologııalyq qadaǵalaý sharalaryn álsiretti: endi kóshelerde maska taǵý mindetti emes. Biraq qoǵamdyq kólikter men adamdar kóp jınalatyn jerlerde (saýda ortalyqtary, mádenı jáne oıyn-saýyq mekemeler, memlekettik mekemeler) maska taǵý qajet.
Resmı statıstıka boıynsha, qurlyqtyq Qytaıda indet juqtyrǵan adamdardyń 94 paıyzdan astamy jazylyp shyqqan. 2019 jyldyń jeltoqsan aıynan beri Covid-19 vırýsyn 85 myńǵa jýyq adam juqtyrdy. Ólim kórsetkishi 5,45 paıyzdy kórsetip otyr (4,6 myńnan astam adam qaıtys boldy). Búkil el boıynsha aýrýhanalarda dıagnozy rastalǵan 324 adam jatyr (ótken kúni 31 adam jazylyp shyqty). Tórt patsıenttiń jaǵdaıy aýyr.
Rýslan Súleımenov