Beıjińde qoǵamdyq oryndarda temeki shegýge tyıym salyndy
ASTANA. QazAqparat - Beıjińde barlyq qoǵamdyq oryndarda temeki shegýge tyıym salyndy. Zań talabynyń oryndalýyn myńdaǵan ınspektor baqylaıtyn bolady, ony oryndamaǵan jaǵdaıda kináli adamǵa eselengen aıyppul salynbaq, dep habarlaıdy Bı-bı-sı.
Jańa erejelerge sáıkes, mektep pen aýrýhana qasynda temeki shekken adam 32 dollarǵa jýyq aıyppul tóleıdi (qazirgi kezde aıyppul nebári 1,6 dollardy quraıdy).
Qytaı halqynyń temekige áýestigi jaǵynan álemdik «kóshbasshy». Elde 300 mıllıonǵa jýyq temeki shegetin adam bar. Buǵan deıin salynǵan barlyq tyıym temeki tartýshylar sanyn azaıtqan joq.
