Beıjińde QHR qurylǵanyna 70 jyl tolýyna oraı áskerı parad boldy
Oǵan Qytaı halyq azat etý armııasynyń 15 myń áskerı qyzmetshisi, 580 áskerı tehnıka jáne 160 áskerı ushaq qatysty.
Aýqymdy paradty QHR Tóraǵasy Sı Tszınpın qabyldady.
Paradta jańa áskerı tehnıka úlgileri jurtshylyqqa alǵash ret kórsetildi. Olardyń arasynda qurlyqaralyq «DF-41» ballıstıkalyq zymyrany, «DF-17» gıperdybystyq glaıder zymyran tasymaldaǵyshy, H-N6 strategııalyq bombalaǵyshy, dybystan jyldam ushatyn «CJ-100» qanatty zymyrany, soqqy beretin «Lijian» basqarýshysyz ushatyn («stels» tehnologııasymen ushatyn) ushaǵy, t.b. bar.
Áýede ushqan áskerı ushaqtar, joıǵysh ushaqtar, tikushaqtar, kólik ushaqtary paradqa erekshe kórinis syılady. 1,3 myń áskerı qyzmetshi qatysqan orkestr paradty mýzykamen súıemeldep turdy.
Qytaıdyń bitimgerleri de alǵash ret áskerı paradqa qatysty. QHR-nyń bitimgerleri (2,5 myńnan astam) BUU Qaýipsizdik Keńesiniń turaqty músheleri arasynda eń kóbi. Jalpy parad 80 mınýtqa sozyldy.
Parad sońynda 100 myńǵa jýyq adamnyń qatysýymen saltanatty shara boldy. Qytaı qoǵamynyń barlyq býyndarynan jınalǵan qısapsyz adam Beıjińniń basty kóshesi — Chanantsze jáne Tıananmen alańynan júrip ótti.
Memlekettik mereke qurmetine 70 myń kógershin men tústi sharlar ushyryldy.
Odan ári gala-kontsert qoıylyp, otshashý boldy.
Eske salaıyq, búgin Qytaıda «Altyn apta» bastalady. ıAǵnı aspan asty eliniń turǵyndary 7 qazanǵa deıin demalady.
Avtor: Rýslan Súleımenov