Beıjińde QHR Halyqtyq saıası konsýltatıvtik keńesi Búkilqytaılyq komıtetiniń sessııasy ótti

QHR-diń memlekettik ánurany oınalǵannan keıin Qytaı kóppartııaly yntymaqtastyq jáne saıası konsýltatsııalar joǵary organynyń 2 206 delegaty «konsýltatıvtik» jumysyn bastady. Onyń ashylý saltanatyna eldiń joǵary partııalyq jáne memlekettik basshylyǵy qatysty.

Qytaıdyń joǵary konsýltatıvtik organynyń aǵymdaǵy sessııasy oǵan qytaılyq kıno jáne sport juldyzdarynyń qatysýymen qoǵamdastyq pen BAQ-tyń nazaryn aýdartýda. Olardyń arasynda Gollıvýdtyń tanymal akteri Djekı Chan, «Hıýston rokets» (NBA) basketbol komandasynyń burynǵy múshesi, Qytaıdyń eń dáýletti sportshylarynyń biri ıAo Mın, sondaı-aq Nobel syılyǵynyń laýreaty, jazýshy Mo ıAn bar.

3 myńnan astam qytaılyq jáne sheteldik BAQ Qytaıdyń Halyqtyq saıası konsýltatıvtik keńesi Búkilqytaılyq komıtetiniń jáne Halyq ókilderiniń búkilqytaılyq jınalysynyń sessııasynan aqparat taratý úshin akkredıtatsııalandy.
Qytaıdyń joǵary konsýltatıvtik organynyń sessııasy eldiń basty is-sharasynyń - 5 naýryz kúni ótetin Halyq ókilderiniń búkilqytaılyq jınalysy qarsańynda ashyldy. Qytaı parlamentiniń aǵymdaǵy sessııasy barysynda QHR-dyń jańa basshylyǵy tańdalady jáne ortalyq halyqtyq basqarýdyń jańa quramy jasaqtalady.

Qytaıdyń halyqtyq saıası konsýltatıvtik keńesi qytaı halqynyń birtutas patrıottyq frontynyń uıymy bolyp tabylady. Qytaıdyń halyqtyq saıası konsýltatıvtik keńesi «saıası konsýltatsııalar, demokratııalyq baqylaý jáne memlekettik isterdi talqylaýǵa qatysý» fýnktsııalaryn atqarady.

Qytaıdyń halyqtyq saıası konsýltatıvtik keńesin Búkilqytaılyq komıtet pen jergilikti atqarýshy organdar taǵaıyndaıdy. Qytaıdyń Halyqtyq saıası konsýltatıvtik keńesi Búkilqytaılyq komıtetiniń músheleri Qytaı Kompartııasynyń, demokratııalyq partııalardyń, partııasyz, halyqtyq uıymdardyń ókilderi, Sıangan Arnaıy ákimshilik aýdanynda, Aomende jáne Taıvanda turatyn otandastardyń, remıgranttardyń ókilderi, sondaı-aq arnaıy shaqyrylǵan tulǵalar bolyp tabylady.

Árbir «kóppartııaly yntymaqtastyq jáne saıası konsýltatsııalar» organynyń ýákilettik merzimi - 5 jyl. Aǵymdaǵy jyldyń naýryz aıynda Qytaıdyń Halyqtyq saıası konsýltatıvtik keńesi Búkilqytaılyq komıtetiniń 11-shi shaqyrylymy óz jumysyn aıaqtady. Onyń tóraǵasy Tszıa Tsınlın bolyp tabylady.