Beıjińde QHR-dyń joǵary zań shyǵarýshy organynyń sessııasy ashyldy
Ashylý saltanaty Tıananmen alańyndaǵy Halyq jınalystary úıinde ótti, dep habarlaıdy «QazAqparat» HAA menshikti tilshisi oqıǵa ornynan.
«13-shi shaqyrylymdaǵy HÓBJ 4-shi sessııasyn ashyq dep jarııalaımyn», – dedi Búkilqytaılyq halyq ókilderi jınalysy Turaqty komıtetiniń tóraǵasy (eldiń joǵary zań shyǵarýshy organy) Lı Chjanshý.
Búgingi sessııanyń kún tártibinde – Úkimettiń 2020 jylǵy jumysy týraly baıandamany jáne 2021 jylǵa arnalǵan áleýmettik-ekonomıkalyq damý josparynyń, ótken jylǵa arnalǵan ortalyq jáne jergilikti bıýdjetterdiń jobasyn tyńdaý jáne qaraý, sondaı-aq olardyń 2021 jylǵa arnalǵan jobalary tur.
Aǵymdaǵy sessııanyń basty nazarynda – áleýmettik-ekonomıkalyq damýdyń (2021-2025 jyldar) 14-shi besjyldyq josparynyń jobasyn jáne 2035 jylǵa arnalǵan perspektıvalyq maqsattardy qaraý tur.
Sessııada sonymen qatar parlamenttiń uıymdastyrylýy men reglamentteri týraly zańǵa ózgerister men tolyqtyrýlardyń jobasy, sondaı-aq QHR turaqty komıssııasynyń, Joǵarǵy halyq soty men QHR Joǵarǵy halyq prokýratýrasynyń jumysy týraly esepter qaralady. Sessııa bir aptaǵa sozylyp, 11 naýryzda aıaqtalady.
Sessııada sonymen qatar parlamenttiń uıymdastyrylýy men reglamentteri týraly zańǵa ózgerister men tolyqtyrýlardyń jobasy, sondaı-aq Búkilqytaılyq halyq ókilderi jınalysynyń Turaqty komıteti Joǵarǵy halyq soty men QHR Joǵarǵy halyq prokýratýrasynyń jumysy týraly esepter qarastyrylady. Sessııa bir aptaǵa sozylady jáne 11 naýryzda aıaqtalady.
QHR Memlekettik keńesiniń premeri Lı Ketsıan Úkimettiń 2020 jylǵy jumysy týraly baıandamany oqı otyryp, «biz bárinen buryn jumys pen óndiristi qaıta bastaı aldyq, ekonomıkany qalpyna keltirý jaǵdaıy kútilgennen jaqsy boldy, 2020 jyly JІÓ kólemi 2,3% - ǵa artty» dep atap ótti.
Rýslan Súleımenov