Beıjińde keıingi 140 jylda bolmaǵan mólsherde jańbyr jaýdy

BEIJІŃ. QazAqparat – Keıingi birneshe kúnde Beıjińde 140 jylda jaýmaǵan mólsherde jaýyn jaýdy, dep habarlaıdy QazAqparat «Sınhýa» agenttigine silteme jasap.

Beıjiń meteorologııalyq qyzmetiniń habarlaýynsha, senbi kúngi saǵat 20:00-den sársenbi kúngi 7:00-ge deıin Chanpın aýdanyndaǵy Vantszıaıýan sý qoımasyna 744,8 mm jaýyn-shashyn túsken. Bul tótenshe mólsher sanalady.

Ótken demalys kúnderinen bastap el astanasynda «Doksýrı» taıfýnyna baılanysty qatty jańbyr jaýyp, 11 adam qaza tapty.

Qazir Beıjińde sý tasqynyna baılanysty «qyzyl eskertý» alyndy, sebebi negizgi ózenderdegi sý deńgeıi qaýipti deńgeıden tómendedi.

Qytaıdyń qarjy jáne tótenshe jaǵdaılardy basqarý mınıstrlikteri birlesip, Beıjiń-Tıantszın-Hebeı aımaǵyndaǵy sý tasqynyna qarsy is-sharalarǵa jáne tabıǵı apat saldaryn joıýǵa 110 mln ıýan (shamamen 15,43 mln AQSh dollary) bóldi.