Beıjińde Keden odaǵy jumystary boıynsha baspasóz máslıhaty ótti
BEIJІŃ. Shildeniń 27-si. QazAqparat /Rýslan Súleımenov/ - 180 mln. adamnan turatyn naryq úsh eldiń ınvestıtsııalyq aýa-raıyn ózgertetin bolǵandyqtan, Keden odaǵynyń qurylýy Belarýs, Qazaqstan jáne Reseı úshin mańyzdy oqıǵa bolyp tabylady.
Osymen qosa, kez kelgen shetel ınvestory bul naryqty kóp múmkindikke ıe naryq retinde esepke alatyn bolady. Bul týraly búgin, Keden odaǵy jumystary boıynsha ótkizilgen Beıjińdegi baspasóz máslıhatynda qytaılyq BAQ jýrnalısterine uıymǵa múshe úsh memlekettiń kedendik organ ókilderi aıtty.
QHR-daǵy RF federaldi keden qyzmetiniń ókili Konstantın Toporkovtyń sózine qaraǵanda, aǵymdaǵy jyldyń shildesinde Keden odaǵynyń kedendik kodeksi óz kúshine enýine baılanysty, qazirgi tańda barlyq úsh elde Keden odaǵynyń kedendik retteý jónindegi kedendik kodeksine sáıkes ulttyq zańnamany júrgizý boıynsha belsendi jumystar atqarylyp jatyr.
Óz kezeginde belarýstyq áriptes Valerıı Matsel Keden odaǵynyń qurylýy - TMD keńistigindegi alǵa jyljý úderisi aıasyndaǵy mańyzdy oqıǵa ekenin jetkizdi. Keden odaǵy kedendik kodeksi týraly kelisimge qol qoıý arqyly bizdiń elderimizdegi halyqtyń jaǵdaıyn jaqsartýdy kózdegen Biryńǵaı ekonomıkalyq keńistiktiń qalyptasýynyń alǵashqy kezeńi aıaqtaldy.
«Keden odaǵynyń negizgi basymdyǵy - bul ekonomıkalyq kooperatsııa. Jáne de qazaqstandyq kásiporyndar bul úderiske de at salysyp, ıaǵnı tehnologııalyq tizbektiń bir bóligine aınalyp, óz ónimin eýropalyq naryqtarda sata alady», - dedi QHR-daǵy QR Elshiliginiń ókili Tımýr Málikov.
