Beıjińde qazaqstandyqtardyń deni «Nur Otanǵa» daýys berdi
BEIJІŃ. 16 qańtar. QazAqparat /Rýslan Súleımenov/ - Beıjińde qazaqstandyqtardyń deni ózderiniń daýystaryn basqarýshy partııa - «Nur Otanǵa» berdi.
Ýchaskelik saılaý komıssııasynyń tóraǵasy, QR-nyń QHR-ǵy Elshiliginiń konsýly Qyzybek Sársembekov QazAqparatqa habarlaǵandaı, № 135-inshi saılaý ýchaskesinde 330 adam daýys berdi, bul saılaýshylardyń jalpy tiziminiń 81,48 paıyzyn qurady.
«Nur Otan» halyqtyq demokratııalyq partııasyna óz daýystaryn saılaýshylardyń 82,12 paıyzy, «Aqjolǵa» - 6,96, Qazaqstannyń Kommýnıstik halyq partııasyna - 4,24, Jalpyulttyq sotsıal-demokratııalyq partııasyna - 2,72, Qazaqstan patrıottary partııasyna - 2,12, «Ádilet» demokratııalyq partııasyna - 1,21 jáne Qazaqstannyń «Aýyl» sotsıal-demokratııalyq partııasyna - 0,61 paıyzy berdi.
Beıjińdegi daýys berý ýchaskesiniń saılaý komıssııasynyń músheleri qazaqstandyq azamattardyń QR Parlament Májilisi depýttatarynyń saılaýyna úlken qyzyǵýshylyq tanytqandyqtaryn atap ótti.
«Qazaqstan azamattary ózderiniń elderinde bolyp jatqan saılaýǵa qatysýǵa berilgen múmkindigi úshin rızashylyqtaryn bildirdi», - dep atap ótti Q.Sársembekov.
Jalpy alganda Beıjiń qalasyndaǵy № 135-inshi saılaý ýchaskesinde QR Parlament Májilisi depýtattaryn saılaý áserli, saılaýshylardyń joǵary belsendiligimen ótti. Daýys berýge alǵash ret qatysqan QR azamattaryna estelik kádesyılar men kitaptar tartý etildi.
