Beıjińde II Qazaqstan-Qytaı týrıster forýmy ótti
BEIJІŃ. QazAqparat - 5 maýsym kúni II Qazaqstan-Qytaı týrıster forýmy ótip, oǵan shamamen 400-ge jýyq ókil qatysty, dep habarlaıdy «QazAqparat» HAA Qytaıdaǵy tilshisi.
Sharany «Atameken» ulttyq kásipkerler palatasy men Qytaı týrıstik qaýymdastyǵynyń qoldaýymen QR Mádenıet jáne sport mınıstrligi Týrızm isteri jónindegi QHR memlekettik basqarmasymen birlesip uıymdastyrdy. Oǵan Qazaqstannyń jetekshi týrıstik uıymdarynan 60 astam ókil, sondaı-aq Qytaılyq týrıstik kompanııalar atynan 300-ge jýyq adam qatysty.
«Osy forým Qazaqstandaǵy Qytaıdyń týrızm jylyna oraı ótkizilip otyr. Qytaı saıahatqa shyǵatyn adamda sany boıynsha álemde kóshbastap keledi. Qazirgi kezde biz qytaı týrıstteriniń Qazaqstanǵa kelýi úshin tıisti jaǵdaılardy jasaýda», - dedi forýmnyń ashylýda sóz sóılegen Qazaqstan Mádenıet jáne sport vıtse-mınıstri Asqar Batalov.
Eske sala keteıik, I Qazaqstan-Qytaı týrıster forýmy 2016 jyly 28 qyrkúıekte Astanada ótkizilgen bolatyn.
