Beıjińde Halyqaralyq Naýryz kúni atap ótilýde
BEIJІŃ. Naýryzdyń 15-i. QazAparat /Rýslan Súleımenov/ - Jeksenbi kúni, naýryzdyń 14-inde Beıjiń botankalyq baǵynda kóktemgi Naýryz merekesi qarsańynda tájik-qytaı dostynyń shabdaly baǵy otyrǵyzyldy.
Bul sharaǵa Ázirbaıjan, Ortalyq Azııa dıplomatııalyq mıssııasynyń ókilderi, elshiler, QHR Syrtqy ister mınıstrlginiń qyzmetkerleri, Beıjiń qalasy merııasy sheteldik ister keńsesiniń qyzmetkerleri, Qytaıdyń sheteldermen dostyq qoǵamynyń ókilderi, ShYU Bas hatshysy jáne ShYU hatshylyǵynyń basqa da basshylary qatysty.
Tájikstannyń Qytaıdaǵy elshisi Rashıd Alımovtyń aıtýynsha, bul sharanyń qytaı astanasynyń kórkem tabıǵaty aıasynda Naýryz merekesi qarsańynda ótkizilýiniń mańyzy zor. Kóktemgi Naýryz merekesi BUU Bas assambleıasynyń qararyna sáıkes ádiletti túrde halyqaralyq mártebesine ıe boldy. «Ejelden beri Naýryz merekesi adam janynyń tabıǵatpen úndestigin bildiredi. Ol adamdardy dostyq pen Halyqaralyq yntymaqtastyq tinderin nyǵaıta otyryp, tynyshtyq pen kelisimde ómir súrýge úndeıdi», dedi ol.
Esterińizge sala keteıik, BUU Bas Assambleıasy 64-sessııasynda «Álem mádenıeti» kún tártibiniń 49 -shy baby aýqymynda 2010 jylǵy aqpannyń 23-inde «Naýyz meıramyn» Halyqaralyq kún dep jarııalady.
