Beıjińde halyq ókilderiniń búkilqytaılyq jınalysy ashyldy
BEIJІŃ. 5 naýryz. QazAqparat - Búgin Beıjiń qalasynda saltanatty jaǵdaıda halyq ókilderiniń búkilqytaılyq jınalysynyń 11 shaqyrylymynyń V sessııasy ashyldy (Qytaı bıliginiń joǵary memlekettik organy).
Eldiń barlyq aýdandarynan kelgen depýtattar Beıjińge QHR Memlekettik keńesiniń premeri Ven Tszıabaonyń úkimettiń ótken jyl boıynsha jumysy, Qytaıdyń 2012 jylǵa arnalǵan áleýmettik-ekonomıkalyq damýynyń jospary men bıýdjeti týraly málimdemesin, Joǵarǵy halyqtyq soty men Joǵarǵy halyqtyq prokýratýrasynyń esepterin tyńdap, bekitý úshin keldi.
Sessııanyń ashylýynda qytaılyq premer úkimettiń 2011 jyl boıynsha jumystarynyń qorytyndylaryn aıtyp ótti. Atap aıtqanda, ol JІÓ-niń 47,2 trln. ıýange jetip, ótken jylmen salystyrǵanda 9,2 paıyzǵa artqanyn, qoǵamdyq qarjylyq tabys 10,37 trln. ıýanǵa jetip, 24,8 paıyzǵa óskenin, astyqty óndirý kólemi 570 mln. tonnaǵa deıin joǵarylaǵandyǵyn, qalalardaǵy jumysqa ornalastyrylǵandardyń sany 12,21 mln. adamǵa jetkenin, qala jáne aýyl turǵyndarynyń ortasha jıyntyq tabysy sáıkesinshe 8,4 jáne 11,4 paıyzǵa kóbeıgenin habarlady.
Ven Tszıabaonyń basshylyǵymen jumys istep jatqan úkimettiń qazirgi quramy sońǵy jyl istep jatqanyn atap ótý kerek.
