Beıjińde «Er Tóstik pen Aıdahar» mýltfılmi kórsetildi

None
None
BEIJІŃ. QazAqparat -Qazaqstan Respýblıkasynyń QHR-daǵy Elshiliginde «Er Tóstik pen Aıdahar» mýltıplıkatsııalyq fılmi kórsetildi, dep habarlaıdy «QazAqparat» HAA Qytaıdaǵy menshikti tilshisi.

Atalǵan shara Qazaqstannyń Tuńǵysh Prezıdenti kúnine oraı qazaqstandyq dıplomattar men ulttyq kompanııalar qyzmetkerleriniń balalaryna arnap uıymdastyryldy.
null  

Mýltfılm bastalardyń aldynda Qazaqstan Respýblıkasynyń Ánurany oryndaldy. Balalar Qazaqstan jaıly óleń oqyp, Otan týraly maqal-mátelder aıtty.
 null null  

«Maǵan mýltfılm unady, grafıkasy sapaly, sıýjeti tartymdy eken. Batyr babalarymyz qazaqtyń jerin qorǵady, al Prezıdent Nursultan Nazarbaev Qazaqstandy táýelsiz, órkenıetti elge aınaldyrdy. Biz bolashaqta Otanymyzdy odan ary damytýǵa barymyzdy salamyz», - deıdi 14 jasar Bekere Erkinuly.
null  

Eske sala ketsek, tolyq metrajdy anımatsııalyq «Er Tóstik pen Aıdahar» fılmin rejısserlar Jáken Dádenov pen Rústem Turalıevter 3D formatynda shyǵarǵan bolatyn. Mýltfılm 2013 jylǵy 21 naýryzda kórermenge jol tartqan.
null  

Jyl saıyn Beıjińde Tuńǵysh Prezıdent kúnine oraı patrıottyq mýltfılmder kórsetý ıgi dástúrge aınalǵan. Byltyr munda tolyq metrajdy «Qazaq Eli» tarıhı mýltfılmi qoıylǵan bolatyn.

Сейчас читают
telegram