Beıjińde energetıkalyq yntymaqtastyq boıynsha Qazaqstan-Qytaı ishki komıtetiniń burynǵy teń tóraǵasyn sottady
BEIJІŃ. QazAqparat - QHR-dyń damý jáne reformalar boıynsha memlekettik komıteti jetekshisiniń orynbasary Lıý Tenan ómir boıyna bas bostandyǵynan aıyrylý jazasyna kesildi.
60 jastaǵy burynǵy joǵary qyzmettegi sheneýnik 2002-2012 jyldar aralyǵyndaǵy kezeńde 35,5 mln. ıýan kóleminde para alǵany úshin aıypty dep tanyldy.
Lıý Tenandi qyzmetinen bosatý týraly sheshim ótken jyly tanymal qarjylyq «Tsaıtszın» basylymyndaǵy jarııalanymnan keıin qabyldandy. Onda onyń qyzmettik babyn otbasynyń paıdasyna asyrǵandyǵy týraly materıal jarııalanǵan.
Lıý Tenan damý men reformalar boıynsha memlekettik komıteti basshysynyń orynbasary qyzmetine 2008 jyly taǵaıyndaldy. 2010 jyldyń jeltoqsanynan 2013 jyldyń naýryzyna deıin ol QHR memlekettik energetıkalyq basqarmasyn basqardy.
Sonymen birge, ol QR-men energetıkalyq máseleler boıynsha kelissózder júrgizýge qatysty, energetıka salasynda yntymaqtastyq boıynsha Qazaqstan-Qytaı podkomıtetiniń 5-otyrysyna teń tóraǵalyq etti.
